Məlhəm Beynəlxalq Hospitalın Uroloq-Androloqu, Uzm. Dr .Vüsal Pirverdiyev Erektil disfunksiya və penis protezi mövzusu ilə bağlı E-saglam.az saytına müsahibə verib. Həmin müsahibəni sizlərə təqdim edirik:
- Vüsal doktor, Erektil disfunksiya (ED) nədir və diaqnoz necə qoyulur?
- Erektil disfunksiya (ED) – kişilərdə cinsi əlaqə üçün yetərli sərtliyi təmin edə bilməmə və ya bunu saxlaya bilməmə vəziyyəti kimi müəyyən edilir. Bu hal həyat keyfiyyətini ciddi şəkildə aşağı salır. Diaqnoz xəstənin ətraflı tibbi anamnezi, fiziki müayinə və lazım gələrsə, penil doppler ultrasəs müayinəsi ilə qoyulur.
- ED müalicəsi?
ED müalicəsində müxtəlif tibbi və cərrahi üsullar mövcuddur. Bunlara dərman müalicələri (PDE5 inhibitorları və s.), inyeksiyalar, vakum cihazları və penis protezi implantasiya əməliyyatı daxildir.
- Penis protezi implantasiya əməliyyatı kimlərə tətbiq edilə bilər?
- Dərman müalicələri, inyeksiya və vakuum cihazları kimi variantlar uğursuz olduqda, ağır venoz sızma səbəbindən sərtlik əldə edə bilməmə, Peyronie xəstəliyi və erektil disfunksiya ilə birlikdə olan ciddi penis əyriliyi, prostat xərçəngi və ya digər cərrahi əməliyyatlardan sonra yaranan ED vəziyyətlərində penis protezi implantasiya əməliyyatı icra oluna bilər.
- Erektil disfunksiyalı xəstələrin neçə faizi protezə ehtiyac duyur?
- ED xəstələrinin əksəriyyəti ilkin mərhələdə müalicə üsulları ilə yaxşı nəticələr əldə edir. Lakin təxminən 5-10% xəstə dərman və inyeksiya kimi üsullardan fayda görmədiyi üçün protez implantasiyasına ehtiyac duyur. Şəkərli diabet, damar xəstəlikləri və nevroloji mənşəli ED hallarında protez ehtiyacı daha yüksəkdir.
- Penis protezi növləri hansılardır?
Penis protezləri əsasən iki növə bölünür: Malleable (büküləbilən) protezlər və şişiriləbilən (inflatable) protezlər.
-
Malleable (büküləbilən) protezlər: Penisin kavernoz cisimləri (corpus cavernosum) daxilinə yerləşdirilən iki ədəd silindrdən ibarətdir. Bunlarda mexaniki sistem yoxdur, daimi sərt quruluşa malikdir, pasiyent əli ilə yuxarı-aşağı hərəkət etdirərək istifadə edir. Daha ucuzdur və cərrahi texnika daha sadədir. Dezavantajı isə, həmişə yarı sərt vəziyyətdə qaldığı üçün bəzi pasiyentlərə estetik və komfort problemi yarada bilər.
-
Şişiriləbilən (inflatable) protezlər: Bunlar da öz aralarında iki və üç hissəli protezlərə ayrılır.
-
İki hissəli protezlər: Penisin kavernoz cisimləri (corpus cavernosum) daxilinə yerləşdirilən iki ədəd silindr və xayalığa (skrotuma) yerləşdirilən pompadan ibarətdir.
-
Üç hissəli protezlər: Silindrlər və pompadan əlavə qarın boşluğuna yerləşdirilən rezervuarı da ehtiva edir. İstifadə zamanı pompa vasitəsilə süni ereksiya təmin edilir, istifadə edilmədikdə isə normal yumşaq vəziyyətə qayıdır. Pasiyent məmnuniyyəti daha yüksəkdir. Dezavantajı isə, əməliyyatı daha mürəkkəb və maliyyəti daha yüksəkdir.
-
- Penis protezi implantasiya əməliyyat texnikası
- Əməliyyat spinal və ya ümumi anesteziya altında, penoskrotal və ya infrapubik kəsik üsulu ilə, 1-2 saat müddətində icra edilir. Silindrlər kavernoz cisimlərin içərisinə, pompa xayalığa (skrotuma), rezervuar isə qarın boşluğuna yerləşdirilir (üç hissəli protezdə). Pasiyentlər əməliyyatdan sonra 1-2 gün xəstəxanada qalırlar. İlk bir neçə həftə ərzində ağrı və şişkinlik azalır, tam sağalma müddəti isə orta hesabla 4-6 həftə çəkir və bu müddətdə pasiyentə cinsi əlaqəni tövsiyə etmirik.
Penis protezi əməliyyatlarının ümumi uğur faizi 90-95% arasındadır. Pasiyent və partnyor məmnuniyyəti (büküləbilən protezlərdə 75-85%, şişiriləbilən protezlərdə isə 85-95%) olduqca yüksəkdir. Protezin ortalama ömrü 10-15 il təşkil edir. İnfeksiya riski (1-3%) olduqca aşağıdır.
Bu əməliyyat üçün artıq xaricə getməyə ehtiyac yoxdur. Məlhəm Beynəlxalq Hospitalında tərəfimizdən uğurla icra olunur.
"Məlhəm" Beynəlxalq Hospitalı ilə əlaqə:
Çağrı mərkəzi: 803
Əlaqə nömrəsi: +994 51 201 71 01
Ünvan: C. Naxçıvanski küç. 433 Bakı, 1099, Baku, Azerbaijan
https://www.instagram.com/melhembeynelxalqhospital/?hl=en
Həkimlə əlaqə: (+994) 604303010
https://www.instagram.com/uzman.uroloq.androloq.cinsel_t/
