Həkim Maria Munoz paxlalıların sağlam olmasına baxmayaraq, çox zaman qaz və şişkinlik yaratdığını bildirib.
E-saglam.az xəbər verir ki, İspaniyanın Vanitatis nəşrinə verdiyi müsahibədə o, bu narahatlığı azaltmağın dörd sadə üsulunu açıqlayıb.
1. Paxlalıları isladın
Şişkinliyə səbəb olan bəzi maddələri azaltmaq üçün lobyaları bişirməzdən əvvəl bir neçə saat suda islatmaq tövsiyə olunur.
2. Ədviyyat əlavə edin
Zirə, şüyüd, dəfnə yarpağı, zərdəçal və zəncəfil kimi ədviyyatlar həzmi asanlaşdırır və qazın qarşısını alır.
3. Püre halında yeyin
Lobya və digər paxlalıları püre şəklində yemək onların daha yaxşı həzm olunmasına kömək edir.
4. Kombu yosunu istifadə edin
Kombu adlı dəniz yosunu bişirilən paxlalı yeməklərə əlavə edildikdə qaz əmələ gəlməsini azaldır.
Dr. Munoz bu sadə üsulların şişkinlik problemini azaltmağa kömək edəcəyini bildirib.
Tərcümə: Könül Oruc
