Yaşlanma əleyhinə və profilaktik tibb üzrə həkim Liliya Popoviçeva Yeni il şənliklərindən sonra şişkinlik riskini necə azaltmağı izah edib.
E-saglam.az xəbər verir ki, həkim izah edib ki, şişkinlik limfa və maye durğunluğu səbəbindən yaranır. Bu, uzun müddət oturmaq, gec yemək yemək və hərəkətsiz qalmaq, həmçinin həddindən artıq duz və spirtli içki qəbul etmək nəticəsində yaranır. Bu amillər şişkinliklə yanaşı, gözlərin altında qırışlara və tünd dairələrə, dəridə isə bozumtul və ya sarımtıl rəngə səbəb olur.
Popoviçeva hərəkətin şişkinliyin qarşısını almağın ən əlçatan yolu olduğunu söylədi. "Gəzinti, üzgüçülük, rəqs, yoqa və yüngül idman əzələ nasosunu aktivləşdirir və bu da limfanı damarlardan keçirir. Hətta gün ərzində qısa gəzintilər belə nəzərə çarpan təsir göstərir", - deyə mütəxəssis vurğuladı.
O deyir ki, eyni dərəcədə vacib olan şey nəfəs almaqdır. Diafraqma ilə dərin və sakit nəfəs almalar sinə və qarın boşluqlarında təzyiq dəyişikliklərinə səbəb olur və limfa axınını stimullaşdırır. Popoviçeva həmçinin gün ərzində yumşaq limfa drenaj masajı etməyi, kontrastlı duş qəbul etməyi və statik vəziyyətləri dəyişdirməyi tövsiyə edir. Bu tədbirlər qan və limfa dövranını yaxşılaşdıracaq və mayenin toxumalarda durğunlaşmasının qarşısını alacaq.
Tərcümə: Könül Oruc
