Sarımsaq mikrob və iltihabla mübarizə aparmağa kömək edir, lakin soyuqdəymələri müalicə etmir.
E-saglam.az xəbər verir ki, bunu nutrisioloq Alexa Mullan deyib.
Mütəxəssis sarımsağın iltihabəleyhinə və antimikrobiyal xüsusiyyətlərinin allisin adlı maddədən qaynaqlandığına diqqət çəkib. O, həmçinin qeyd edib ki, bu məhsul immun funksiyanı dəstəkləməyə kömək edən C və B6 vitaminləri ilə zəngindir. "Sarımsaq soyuqdəymə və qrip üçün çox faydalıdır, lakin ona yeganə müalicə vasitəsi kimi etibar edilməməlidir", - dedi diyetoloq.
Mullan vurğuladı ki, hətta ən sağlam tək qidanı daim istehlak etmək, sağalmanı təşviq etməkdən daha çox bədənə zərər verə bilər. O qeyd edib ki, soyuqdəymələrin qarşısını almaq üçün, eləcə də xəstəlik zamanı və sonrasında mümkün qədər çox müxtəlif meyvə və tərəvəz yemək vacibdir. O, həmçinin diyetə yüksək keyfiyyətli protein və sağlam yağlar daxil etməyi tövsiyə etdi. "Bu, bədəni sağlam immunitet sistemini dəstəkləmək üçün lazım olan tikinti materialları ilə təmin edəcək", - dedi.
Bundan əlavə, diyetoloq sarımsağı faydalı edən allisinin böyük miqdarda ağrı, şişkinlik, qazın artması və ürək yanmasına səbəb ola biləcəyini xəbərdar etdi.
Mullan əlavə etdi ki, həssas mədə-bağırsaq traktına malik insanlar üçün bəzən bütün bu simptomları tətikləmək üçün yalnız kiçik bir sarımsaq kifayətdir.
Tərcümə: Könül Oruc
E-saglam.az
