Havaların soyuması və mövsümi xəstəliklərin artması ilə insanlar həkimə müraciət etmədən vitamin əlavələrinə üz tutur. Mütəxəssislər isə xəbərdarlıq edir: vitaminləri düşünmədən qəbul etmək böyrəklərə ciddi zərər vura bilər.
E-saglam.az xəbər verir ki, İnfeksiya xəstəlikləri üzrə mütəxəssis Dr. Doğaç Uğurcan bildirib ki, payız və qış aylarında immuniteti gücləndirmək məqsədilə vətəndaşlar C, B, D vitaminləri və kalsium kimi əlavələrdən çox istifadə edirlər. Lakin bu maddələrin bəziləri orqanizmdə artıq miqdarda yığıldıqda zərərli olur:
“Əgər analiz nəticəsində heç bir çatışmazlığınız yoxdursa, xüsusilə C vitamininin artıq qəbulu böyrəklərə zərər verə bilər. Heç bir probleminiz yoxkən, bu cür istifadələr sizi böyrək xəstəsinə çevirə bilər".
Tərcümə: Nəzrin Abbas
