Mütəxəssislər quru öskürəyin yüngülləşdirilməsi üçün bir sıra təbii üsulları tövsiyə edirlər.
E-saglam.az xəbər verir ki, onların sözlərinə görə, bu üsullar həm boğazı yumşaldır, həm də öskürəyin intensivliyini azaldır.
Ekspertlər xüsusilə bal, zəncəfil, limon və nanə kimi məhsulları qeyd edirlər. Bal boğazı örtərək öskürək refleksini azaldır, zəncəfil iltihab əleyhinə təsir göstərir və nəfəs yollarını rahatlaşdırır. Limon C vitamini ilə immuniteti gücləndirir, nanə isə boğazı sakitləşdirir və tənəffüsü asanlaşdırır.
Həkimlər bildirirlər ki, bu təbii vasitələr qısa müddətli yüngül öskürəklərdə effektivdir, lakin uzun müddət davam edən və ya yüksək hərarət, nəfəs darlığı ilə müşayiət olunan öskürəkdə peşəkar tibbi yardım almaq vacibdir.
Mütəxəssislər həmçinin gün ərzində kifayət qədər su içməyi və otaqda rütubətin səviyyəsini qorumağı tövsiyə edirlər. Bu, quru boğazın yumşalmasına və öskürəyin azalmasına kömək edir.
Nəzrin Abbas
