Dumanlı şüşələr, xoşagəlməz qoxular və rütubət — soyuq havalarda avtomobil sahiblərinin ən çox rastlaşdığı problemlərdəndir. Sadə bir mətbəx məhsulu olan nişasta bu hallarda kömək edə bilər. Sadəcə avtomobilinizə qoyun və fərqi hiss edin.
E-saglam.az-ın məlumatına görə qış aylarında avtomobilin içərisində rütubətin artması, şüşələrin dumanlanması, oturacaqların üzlüklərində nəm yığılması və xoşagəlməz qoxular bir çox sürücüləri narahat edir. Bahalı nəmuduculara müraciət etmədən bu problemin daha sadə və qənaətcil həlli var: nişasta — çox güman ki, artıq mətbəxinizdə mövcuddur.
Necə istifadə etməli?
Bu üsul olduqca sadədir. 2–3 xörək qaşığı qarğıdalı və ya buğda nişastasını götürüb bir corabın, kiçik parça torbanın və ya qəhvə filtrinin içinə qoyun. Torbanın ağzını möhkəm bağlayın və onu avtomobilin əlcək bölməsinə, oturacağın altına və ya pəncərənin yanına yerləşdirin. Nişasta havadakı artıq rütubəti udduqca bərkiyəcək və yığılmağa başlayacaq — bu da torbanı dəyişdirməyin vaxtının çatdığını göstərəcək.
Tərücmə: Fəxriyyə Adil
