Göz Xəstəlikləri üzrə mütəxəssis, Prof. Dr. Burak Bilgin günümüzdə getdikcə daha çox rast gəlinən çəpgözlük (gözlərin paralel baxış istiqamətinin pozulması) haqqında məlumat verib.
E-saglam.az xəbər verir ki, Bilgin bildirib ki, çəpgözlük müxtəlif formalarda özünü göstərə bilər:
“Gözlərin paralelliyi pozulduqda biri içəri, digəri isə çölə, yuxarı və ya aşağı istiqamətlənə bilər. Bəzən bu vəziyyət davamlı olur, bəzən isə yalnız müəyyən baxışlarda ortaya çıxır”.
Mütəxəssisə görə, uşaqlarda və böyüklərdə çəpgözlük fərqli səbəblərdən yarana bilər.
- Uşaqlarda ən çox hipermetropiya (uzaqgörmə) və göz dərəcələrinin yüksək olması çəpgözlüyə səbəb olur.
- Yetkinlərdə isə sinir və əzələ problemləri, göz zədələri və ya uzunmüddətli görmə disbalansı rol oynaya bilər.
Müalicə üsulları:Prof. Dr. Bilgin qeyd edib ki, müalicə çəpgözlüyün növünə görə dəyişir:
- Göz eynəkləri və optik korreksiya ilə başlanır.
- Göz məşqləri və ortoptik terapiya ilə gözlərin koordinasiyası gücləndirilir.
- Cərrahi müdaxilə isə yalnız daha ciddi hallarda tətbiq olunur.
Həkim valideynlərə xəbərdarlıq edib ki, uşaqlarda gözlərin paralel durmadığı, bir gözün tez-tez içəri və ya çölə baxdığı müşahidə olunarsa, mütləq erkən diaqnoz üçün göz həkiminə müraciət edilməlidir.
Tərcümə: Nəzrin Abbas
