Həkim insanlarda quduzluğun ilkin simptomlarını açıqladı

E-saglam.az xəbər verir ki, “Fomina” klinikasının terapevti Tatyana Mayerenkova Zdorovye Mail nəşrinə açıqlamasında insanlara heyvanlardan keçə bilən ən təhlükəli və sağalmaz xəstəlik – quduzluq haqqında xəbərdarlıq edib.

Həkimin sözlərinə görə, quduzluq mərkəzi sinir sisteminin zədələnməsi ilə nəticələnir və ölümlə sona çata bilər. İnfeksiya həm küçə itlərindən, həm də peyvənd olunmamış ev heyvanlarından – məsələn, pişiklərdən və ya dördayaqlı ev heyvanlarından – keçə bilər.

Virusun ötürülməsi heyvanın ağız suyu ilə baş verir:

• dişləmə zamanı dərinin zədələnməsi və ya

• yoluxmuş tüpürcəyin göz, ağız kimi selikli qişalara və ya açıq yaralara düşməsi nəticəsində.

İlkin əlamətlər:

İnkubasiya dövrü adətən 2 həftə ilə 2 ay arasındadır, bəzi hallarda isə 1 ilə qədər davam edə bilər. İlk simptomlar çox vaxt adi soyuqdəyməni xatırladır:

• 37–37,5°C hərarət,

• baş ağrısı,

• ürəkbulanma,

• boğaz ağrısı,

• halsızlıq, narahatlıq və izaholunmaz qorxu hissi.
  Bundan əlavə, dişlənmiş nahiyədə ağrı, sancma və yanma hissi müşahidə olunur.

İrəliləmiş mərhələ:

Sonrakı mərhələdə klinik quduzluq əlamətləri yaranır:

• çoxlu tüpürcək ifrazı və göz yaşarması,

• hərarətin 38°C-dən yuxarı qalxması,

• tərləmə, həyəcanlı davranış,

• halüsinasiyalar, koordinasiya pozğunluğu,

• hidrofobiya (su qorxusu) və aerofobiya (təmiz hava qorxusu).

Bu mərhələdə xəstəlik bir neçə gün ərzində ölümcül nəticə ilə – ürək və tənəffüs dayanması ilə – başa çatır.

Nə etməli?

Əgər sizi quduz və ya mənşəyi məlum olmayan bir heyvan dişləyibsə, dərhal:

1. Yaranı bol su ilə yuyun,

2. Və dərhal həkimə müraciət edin.

Mütəxəssislər antiquduz peyvənd kursu və antiquduz immunoqlobulin inyeksiyası vasitəsilə vaxtında tibbi müdaxilənin yeganə həyatqurtaran tədbir olduğunu bildirirlər.

Tərcümə: Nəzrin Abbas

E-saglam.az