Cərrah Bəsdilə Rəsulova bildirir ki, appendisit appendiksin iltihabıdır və uşaqlarda vaxtında müalicə olunmadıqda peritonit və həyat üçün təhlükə yarada bilər.
E-saglam.az xəbər verir ki, xətəlik nadir hallarda körpəlikdə baş verir, ən çox 10-13 yaş arasında rast gəlinir.
Appendisitin səbəbləri tam öyrənilməyib, lakin mikrofloraların aktivləşməsi, infeksiyalar, helmintik xəstəliklər və nadir hallarda yad cisimlər iltihaba səbəb ola bilər.
Əsas simptomlar:
- Sağ alt qarın nahiyəsində kəskin ağrı;
- Qızdırma (37,5–39°C), halsızlıq, qusma;
- Diqqəti cəmləyə bilməmə, marağın azalması;
- Ağrı bəzi uşaqlarda qarın boyunca yayıla bilər; yaşlı uşaqlar ağrının yerini adətən göstərə bilir.
Atipik hallar (15%): ağrı çanaq və ya arxa qarın nahiyəsində, defekasiya və sidik zamanı ağrı, nəcisdə selik və ya qan.
Diaqnoz və müalicə:
Uşaqlarda appendisiti yalnız həkim diaqnozu təsdiqləyə bilər. Müayinə zamanı sağ iliak nahiyəyə diqqət yetirilir, bəzi hallarda rektal müayinə tələb olunur.
Yeganə müalicə cərrahiyyədir. Dərmanlarla müalicə mümkün deyil; antibiotik və ağrıkəsicilər diaqnoza qədər qadağandır, çünki xəstəliyin gedişini gizlədə bilər.
Valideynlər uşaqda sağ alt qarın ağrısı və yuxarıda göstərilən simptomları görsələr, dərhal həkimə müraciət etməlidirlər.
Tərcümə: Nəzrin Abbas
