Human Psychopharmacology: Clinical and Experimental jurnalında dərc olunan araşdırmaya görə, kofein stres şəraitində çətin və ya həll olunmayan tapşırıqlar üzərində çalışarkən əzm və səbrin artmasına təsir göstərir.
E-saglam.az xəbər verir ki, Amherst Kollecinin alimləri 329 tələbə ilə üç eksperiment aparıblar. Tapşırıqlarda vizual və sözlü testlərdən istifadə olunub, bəzi elementlər isə qəsdən həll olunmaz vəziyyətə gətirilib.
-
Birinci eksperiment: 40 mg kofein qəbul edən iştirakçılarda əhəmiyyətli təsir müşahidə olunmayıb.
-
İkinci eksperiment: 100 mg kofein (təxminən bir fincan qəhvə) vizual tapşırıqda iştirakçıların itirilmiş obyekti daha uzun müddət axtarmasına kömək edib, lakin sözlü tapşırıqda təsir müşahidə olunmayıb.
-
Üçüncü eksperiment: Stress testi (soyuq su) zamanı 100 mg kofein qəbul edən iştirakçılar, yüngül stres şəraitində, kontrol qrupuna nisbətən daha yüksək səbr və əzm nümayiş etdiriblər. Stress yaşamayan iştirakçılarda kofein əksinə, səbri bir qədər azaldıb.
Alimlər qeyd edirlər ki, kofein əzm və səbrin artmasına neyromediator sistemlərinin stimulyasiyası vasitəsilə təsir göstərir. Buraya dopamin, noradrenalin və adenozin daxildir.
Tərcümə: Nəzrin Abbas
