Ürək və qan damarları xəstəlikləri dünyada hər üç insandan birinin ölümünə səbəb olur və ən geniş yayılmış ölüm səbəbi hesab olunur.
E-saglam.az xəbər verir ki, bu barədə məlumat Vaşinqton Universitetinin apardığı Qlobal Xəstəlik Yükü araşdırmasının nəticələrinə əsasən “JACC Journals”da dərc edilib.
Tədqiqatçılar 1990–2023-cü illər arasında 204 ölkədə 376 xəstəliyə dair məlumatları analiz ediblər. Nəticələr göstərib ki, ürək-damar xəstəliklərindən ölüm halları 1990-cı ildə 13,1 milyon idisə, 2023-cü ildə bu rəqəm 19,2 milyona yüksəlib.
Əsas ölüm və əlillik səbəbi olan ürək-damar xəstəliklərinə koronar ürək xəstəliyi, beyin daxili qanaxma, işemik insult və yüksək təzyiq daxildir.
Alimlər vurğulayırlar ki, bu problemlərin təxminən 80%-i qarşısı alına bilən risk faktorları ilə bağlıdır. Onlara bunlar daxildir:
-
piylənmə,
-
yüksək qan şəkəri,
-
yüksək qan təzyiqi,
-
yüksək xolesterin səviyyəsi.
Tərcümə: Nəzrin Abbas
E-saglam.az
