Antibiotiklər bəzi ciddi infeksiyaların müalicəsində həyati əhəmiyyət daşısa da, onların düzgün istifadə olunmaması həm sağlamlığa, həm də immun sisteminə ciddi zərər verə bilər.
E-saglam.az xəbər verir ki, antibiotiklərin həddindən artıq və ya düzgün olmayan istifadəsi bağırsaq florasının pozulmasına, immunitetin zəifləməsinə və müxtəlif yan təsirlərə səbəb ola bilər. Eyni zamanda, mikrobların antibiotiklərə qarşı müqavimət qazanması gələcəkdə infeksiyaların müalicəsini çətinləşdirir.
Antibiotikin insan orqanizminə aşağıdakı təsirləri var:
-
Antibiotik müqaviməti: Bakteriyaların dərmanlara qarşı müqavimət qazanması, infeksiyaların daha müalicəolunmaz hala gəlməsinə səbəb olur.
-
Qida və bağırsaq mikroflorasına təsir: Probiyotik balansın pozulması ilə həzm problemləri, ishal və mədə narahatlığı ortaya çıxa bilər.
-
Allergik reaksiyalar: Dəri döküntüləri, qaşınma və nadir hallarda anafilaktik şok kimi ciddi reaksiyalar baş verə bilər.
-
Orqanlara təsir: Uzun müddətli və ya güclü antibiotik istifadəsi qaraciyər və böyrəklərə əlavə yük gətirə bilər.
Antibiotiklər yalnız həkim göstərişi ilə və düzgün dozada istifadə edilməli, təbii immuniteti gücləndirən həyat tərzi ilə birləşdirilməlidir.
Nəzrin Abbas
E-saglam.az
