Heyva qədim zamanlardan həm qida, həm də dərman məqsədilə istifadə edilən meyvələrdən biridir.
E-saglam.az xəbər verir ki, şirin və ətirli dadı ilə diqqət çəkən heyva, həmçinin sağlamlıq üçün çoxsaylı faydalar təqdim edir. Həmin faydaları sizə təqdim edirik:
1. İmmunitet sistemini gücləndirir
Heyva C vitamini ilə zəngindir. Bu vitamin orqanizmin infeksiyalara qarşı müqavimətini artırır, soyuqdəymə və qrip kimi xəstəliklərin qarşısının alınmasına kömək edir.
2. Həzm sistemini dəstəkləyir
Heyva liflə zəngindir. Bu xüsusiyyət mədə-bağırsaq fəaliyyətini tənzimləyir, qəbizliyi aradan qaldırır və bağırsaq mikroflorasını qoruyur. Meyvənin tərkibindəki pektin isə mədədə selikli qişanı qoruyaraq həzm prosesini rahatlaşdırır.
3. Ürək və damar sağlamlığını qoruyur
Heyva yüksək səviyyədə kalium ehtiva edir. Kalium qan təzyiqini tənzimləyir, ürəyin fəaliyyətini dəstəkləyir və hipertoniya riskini azaldır.
4. Qanazlığına qarşı faydalıdır
Tərkibindəki dəmir orqanizmdə qırmızı qan hüceyrələrinin əmələ gəlməsini stimullaşdırır. Bu xüsusiyyət xüsusilə qadınlarda və uşaqlarda qanazlığının qarşısının alınmasına yardımçı olur.
5. Dərinin və saçın sağlamlığını qoruyur
Heyva antioksidantlarla zəngindir, bu da sərbəst radikalların təsirini azaldaraq dərinin cavan qalmasına və saçların sağlamlığının qorunmasına kömək edir.
6. Stressi və əsəb gərginliyini azaldır
Heyvanın aromatik xüsusiyyəti sinir sistemini sakitləşdirir, stressi azaldır və yaxşı yuxunu təşviq edir.
7. Çəki nəzarətində kömək edir
Aşağı kalorili və yüksək lifli olan heyva, toxluq hissini uzadaraq kilo nəzarətinə yardım edir.
8. Digər faydaları
- Ürək-damar xəstəliklərinin riskini azaldır.
- Orqanizmin enerji balansını qoruyur.
- Sümük və diş sağlamlığına töhfə verir.
Heyva təkbaşına, kompot və mürəbbə şəklində, həmçinin çiy halda və ya qida əlavəsi kimi istifadə oluna bilər. Həmçinin qara çay və digər içkilərə əlavə edilməsi də mümkündür.
Tərcümə: Nəzrin Abbas
E-saglam.az
