Endokrinoloq Dilarə Lebedeva deyir ki, rəqs, gəzinti və digər əyləncəli fəaliyyətlər stressin öhdəsindən gəlməyə kömək edir.
E-saglam.az xəbər verir ki, o, teleqram kanalında stresdən qurtulmağın başqa sadə yollarından danışıb.
Lebedevanın fikrincə, stressi norepinefrin, kortizol və adrenalin hormonları yaradır. Ancaq aktiv iş zamanı əzələlər onları yandıra bilər. Buna görə də fiziki fəaliyyət stresslə mübarizə aparmaq üçün ideal vasitədir. Üstəlik, bunun idman olması lazım deyil, deyə həkim əlavə edib.
Doktor Lebedeva insanları rəqs etməyə, yüksək səslə oxumağa, yeriməyə, əyilib-qalxmağa, dostları ilə evdə məşq etməyə və nəfəs məşqləri etməyə çağırıb.
Bu cür sadə üsullar kifayət etməyənlər daha intensiv fiziki fəaliyyətə müraciət edə bilərlər. Endokrinoloqun fikrincə, odun doğramaq, ümumi təmizləmə və ya bağ işləri stresin öhdəsindən gəlməyə kömək edəcək.
Tərcümə etdi: Könül Oruc
