Fitnes blogger Mariya Palen gənə dişləməsi səbəbilə iflic qaldığını bildirib. Onun sözlərinə görə, hadisə 2024-cü ilin payızında baş verib.
E-saglam.az xəbər verir ki, hadisə 2024-cü ilin payızında baş verib. Gənə dişlədikdən sonra orqanizminə hansı infeksiyanın keçdiyi hələ də dəqiq bilinmir.
“Mən həmişə sağlam həyat tərzi sürmüşəm. Ancaq bu dəfə idman və düzgün qidalanma da heç nəyə kömək etmədi,” – deyə Mariya bildirib. Gənənin ötürdüyü mikroorqanizmlər onun immun sisteminə ciddi zərər verib və bu, ifliclə nəticələnib.
Blogger xəstəlik səbəbindən 20 kilo arıqladığını deyir. O hələ də tam sağalmayıb. Həkimlər müalicə planını vəziyyətinə uyğun olaraq vaxtaşırı dəyişirlər. Mariya tezliklə sağalacağına ümid edir.
Tərcümə: Könül Oruc
