Uzun illər qırmızı ət xərçəng riskini artıran qida kimi qəbul edilib.
E-saglam.az xəbər verir ki, lakin Kanadanın McMaster Universitetindən yeni tədqiqat heyvan zülalının, o cümlədən balıq, quş əti, yumurta və süd məhsullarının xərçəngdən ölüm riskini azalda biləcəyini göstərir.
Araşdırma qırmızı əti ayrı-ayrılıqda yox, bütün heyvan zülallarını birləşdirərək təhlil etdiyi üçün, qoruyucu təsirin əsasən balıq və bəzi süd məhsullarından qaynaqlandığı ehtimal edilir. Emal edilmiş ətlərin və fərqli xərçəng növlərinin təsirini nəzərə almaması da nəticələri məhdudlaşdırır.
Tədqiqat, bitki mənşəli zülalların xərçəngdən qorunmada o qədər güclü olmadığını göstərsə də, bu, bitki əsaslı qidaların ümumi sağlamlıq faydalarını ləğv etmir.
Ekspertlər vurğulayır ki, nəticələr ət istehlakına “yaşıl işıq” vermir. Həddindən artıq qırmızı ət ürək xəstəliyi və diabet riskini artırır. Optimal sağlamlıq üçün balanslı, müxtəlif və minimal işlənmiş qidalarla dolu pəhriz tövsiyə olunur.
Tərcümə: Könül Oruc
