ABŞ-dəki Klivlend Klinikasından Dr. Neha Vyas izah etdi ki, D vitamini istehsalı üçün lazım olan günəş müddəti dəri növü, mövsüm və coğrafi yer kimi amillərdən asılıdır.
E-saglam.az-ın məlumatına görə, həkim bildirib ki, yayda günəşli ərazidə dərinin 25%-i açıq qalaraq üç dəqiqəlik günəşə məruz qalmaq kifayətdir. Qışda eyni təsir üçün 20 dəqiqə lazımdır. Bu o deməkdir ki, yayda D vitamininin gündəlik normasını almaq üçün hətta qısa bir gəzinti də kifayətdir.
D vitamini əlavələrdən əldə edə bilsəniz də, Dr. Vyas onları qəbul etməzdən əvvəl həkiminizlə məsləhətləşməyin vacib olduğunu bildirdi. Bəzi dərmanlar (məsələn, qan təzyiqi və ya xolesterol üçün olanlar) D vitamini ilə qarşılıqlı təsir göstərə bilər.
Bir çox insanlar kremin D vitamini istehsalını maneə törətdiyindən narahatdırlar. Bununla belə, tədqiqatlar göstərir ki, hətta SPF ilə qorunmaqla belə, dəri D vitamini sintez etmək üçün kifayət qədər ultrabənövşəyi radiasiya alır.
Tərcümə: Könül Oruc
