Yuxu üzrə mütəxəssislər yatmadan öncə yeyildikdə narahatçılığa, yaxud yuxusuzluğa səbəb olan qidalar haqqında danışıblar.
E-saglam.az xəbər veriri ki, bu barədə "Eat This, Not That!" saytı yazır.
Belə ki, amerikalı psixoloq Maykl Breus axşamlar həzm sistemini pozan yeməklərdən çəkinməyi məsləhət görür. Onun sözlərinə görə, adətən ədavalı, istiotlu qidalar, yaxud yüngül allergiyaya səbəb olan yeməklər bu cür təsir göstərir.
Bədəndə şəkər miqdarının azalıb-çoxalması da problem yarada və tez-tez yuxudan ayılmağa səbəb ola bilər.
Amerikalı psixoterapevt Teralin Sellin sözlərinə görə, yatmadan əvvəl şəkərli qida və içkilərdən imtina etmək bu riski azaldır.
Spirtli içkilər də yuxuya mane olur.
"Alkoqol yuxuya aparsa da, yuxu mərhələlərini pozur. Ona görə yuxunuz möhkəm olmayacaq", - deyə Sell izah edib./BİG.AZ/
