İnsan ömrü və sağlamlığı ilə bağlı aparılan araşdırmalar nəticəsində 0 qan qrupunun daha uzun ömür və sağlam həyat üçün üstünlük təmin etdiyi müəyyənləşib.
E-saglam.az Milli.Az-a istinadən xəbər verir ki, araşdırmalara görə 0 qan qrupuna malik şəxslərin qan laxtalanmasını artıran faktorların azlığı infarkt və iflic kimi xəstəliklərin riskini azaldır. Bu qrupun infeksiya və bəzi xərçəng növlərinə qarşı daha güclü immunitet sistemi olduğu da vurğulanır. Xüsusilə, mədə, pankreas və yemək borusu xərçənginə tutulma ehtimalının digər qan qruplarına nisbətən daha az olduğu bildirilir.
Bununla belə, ömür uzunluğu yalnız qan qrupu ilə məhdudlaşmır. Genetik faktorlar, həyat tərzi, mühit və tibbi xidmət də insan sağlamlığına və ömrünə ciddi təsir göstərən əsas amillərdir. Buna görə də, qan qrupunun təsiri geniş spektrdə qiymətləndirilməlidir.
