“Bakı Metropoliteni” əməkdaşlarının neçə faizi vaksinasiya edilib?
E-saglam.az-ın xəbərinə görə, “COVID-19 pandemiyası dövründə əməkdaşların 97,37 %-i iki doza üzrə peyvənd olunub. 16 işçidə immunitet, 55 işçinin əks-göstəriş sertifikatı var”.
“Bakı Metropoliteni”ndən Oxu.Az-ın sorğusuna cavab olaraq bildirilib ki, əməkdaşların 56,22 %-i 3-cü (buster) doza ilə peyvənd olunub.
Qeyd edilib ki, peyvənd olunma müvafiq qaydalara uyğun olaraq könüllülük əsasında davam etdirilir:
“2-ci dozanın vurulma tarixindən 150 gün (5 ay) və daha artıq müddət keçən əməkdaşların 3-cü dozanın vurulması üçün rahatlığını təmin etmək məqsədi ilə korporativ sosial məsuliyyət çərçivəsində “Bakı Metropoliteni” QSC-nin obyektlərində də şərait yaradılır”.
