Hantinqton (huntington) xəstəliyi, beyin hüceyrələrinin pisləşməsinə səbəb olan genetik bir nevroloji xəstəlikdir. Bu xəstəlik adətən 30-40 yaşlarında başlayır və zamanla irəliləyir.
E-saglam.az xəbər verir ki, hantinqton xəstəliyi motor bacarıqları, koqnitiv funksiyaları və emosional vəziyyəti təsir edir. Xəstəliyin səbəbi "HTT" genindəki mutasiyadır, bu da beyində anormal hantinqtin zülalının istehsalına səbəb olur.
Hantinqton xəstəliyi autosomal dominant irsi xəstəlikdir. Bu xəstəlikdə zehni gerilik və hərəkət pozğunluqları müşahidə edilir. Əlamətlər 30-50 yaşları arasında başlayır və yavaş-yavaş 10-20 il ərzində inkişaf edir. İlk əlamətlər qeyri-iradi yığılmalar, emosional yelləncəklər, depressiya, əsəbilik, danışıqda çətinlik və yöndəmsizlik olur. Xəstəlik irəlilədikcə udma çətinliyi, qeyri-sabit yeriş, yaddaş problemləri və mühakimə qabiliyyətinin pozulması kimi əlavə simptomlar yaranır.
Bu xəstəlik irəlilədikcə, xəstələrdə şəxsiyyət dəyişiklikləri, əsəbilik, depressiya, diqqət cəmləyə bilməmə və daha ciddi nevroloji problemlər baş verir. Hantinqton xəstəliyi, hüceyrə ölümü və nevroloji zədələnmənin tədricən artması ilə nəticələnir. Xəstələrin əksəriyyəti, simptomlar başladıqdan 10-15 il sonra həyatlarını itirir.
Tərcümə: Könül Oruc
