Daun sindromu ən çox görülən xromosom anomaliyasıdır. Normalda insanda 46 xromosom olur. Bu sindrom zamanı 21-ci cüt xromosomun üçləşməsi olur. Ona görə, belə xəstələrdə 47xromosom olur. Ananın yaşının 35-in üzərində olması önəmli faktorlardandır.
Bu sözləri E-saglam.az-a açıqlamasında pediatr Taliyə Əliyeva deyib.
Onun sözlərinə görə, daun sindromlu uşaqlar 50 faiz hallarda vaxtından əvvəl doğulurlar: "Vaxtında doğulanlar da az çəkili uşaqlar olur. Böyümə və sümük yaşı geri olur. Cinsi inkişafları gecikir. Oğlan uşaqlarının boyu ortalam 155 sm, qız uşaqlarının isə 145 sm olur.
Xarakterik görünüşləri olur.
Əldə 5-ci barmaqları qıvraq və qısa olur (85%).
Ayaqda 1 və 2-ci barmaqların arası geniş olur (45%).
Gözləri yuxarı və bayıra doğru çəkik olur (80%).
Göz yarığı dar olur.
Mikrosefal (başları kiçik olur) (85%).
Yüksək damaq (70%).
Burun kökü basıq olur (60%).
Simian xətti (ovuc içində olur)(50%).
Qısa və gen boyun (45%).
Bruşfield ləkələri (gözdə olur).
Çəpgölük.
Kiçik qulaqları olur. Xəstələrin 50%-də eşitmə zəifliyi olur.
Dilləri daim bayırda olur. Daun sindromunda dil böyük olmur.
Süd dişlərinin çıxması, əmgəklərin bağlanması gecikir.
Hipotonik uşaqlar olur. Yenidoğulma dönəmində olan ən önəmli əlamətlərdəndir. Böyüdükcə aradan qalxır. Belə uşaqlarda Moro refleksi alınmır.
Daxili orqanlarda anomaliyalar olur(7%).Məsələn: Onikibarmaq bağırsağın atreziyası, megakolon, hişprunq və s.
Ürək qan-damar sistemi tərəfindən anomaliyalar olur. (ASD,VSD,PDA)
Əqli gerilik olur. İQ 50-dən aşağı olur.
Yaşa dolduqca belə xəstələrdə erkən katarakta, şəkərli diabet, tiroid xəstəlikləri, epilepsiya görülür. 40 yaşın üzərində isə Alsheymer xəstəliyi daha çox görülür.
Anadangəlmə leykoz da bu uşaqlar arasında sıx rast gəlinir".
