E-saglam.az xəbər verir ki, Kliniki Psixoloq Beyhan Budak sosial media hesabında etdiyi paylaşımda 6 gizli qısqanclıq əlamətini paylaşıb.
Mütəxəssis bildirib ki, qısqanc insanlar aşağıdakı əlamətlərlə özlərini təslim edə bilirlər:
''Qısqanc insan etdiyin hər şeyi, geyindiyin hər şeyi tənqid edir. Bir müddət sonra anlayırsan ki, səni təqlid edir, sənin kimi davranır, sənin kimi geyinir, amma bunu özü kəşf etmiş kimi, öz fikri imiş kimi edir.''
''Belə insanlar mehriban görünürlər. O, hər zaman sizin yanınızdaymış kimi davranır, ancaq həyatınıza xələl gətirmək istədiyi üçün sizə xüsusilə pis məsləhətlər verir.''
“Sənə lağ edir, əsəbiləşəndə “çox həssassan, çox həssassan” deyir”.
"O, sənin böyük nailiyyətlərini əhəmiyyətsiz hesab edir, amma özünün kiçik nailiyyətlərini ucaldır. O, özünü yüksəltməyi sevir."
“Başına yaxşı şeylər gələndə, o, bunu şərh etməkdən çəkinir və geri çəkilir”.
"Bu gün sahib olduğunuz yaxşı şeylər üçün göstərdiyiniz səyləri heç vaxt görmür, o, yalnız şanslı olduğunuz üçün bunları əldə etdiyinizi düşünür, çünki öz uğursuzluqları ilə üzləşmək əvəzinə, yalnız şanssız olduğu üçün bunları əldə etmədiyini düşünür."
Qısqanclıq; Bunu romantik münasibətlərdə, dostluqlarda, işgüzar münasibətlərdə və ailə dinamikasında da görmək olar. Emosional cəhətdən güclü bir hiss olan qısqanclıq çox vaxt sosial münasibətlərdə mənfi nəticələrə səbəb ola bilər. Ona görə də fərdlərin bu duyğunu idarə etmələri və onun qulu olmamaları çox vacibdir.
Tərcümə: Könül Oruc
