Atanın övladına zərər verdiyi 5 yanlış davranış var.
Bu barədə E-saglam.az-a Uzman klinik psixoloq Narınc Rüstəmova məlumat verib.
Həmin yanlış davranışlar aşağıdakılardır:
1. Gözləntilərini uşağa yükləmək
Atanın öz gözləntilərini övladlarına yükləməsi onların məqsəd və istəklərindən uzaqlaşmasına səbəb olur.
2. Alçaltmaq
Övladını başqalarının yanında alçaltmaq onun özünə olan güvənini aşağı salır və bu öyrənmə istəyini azaldır.
3. Davamlı tənqid etmək
Hər şeyə tənqidi yanaşanda uşaq özünə qarşı güvənini itirir. “Mən uğursuzam” qəlibinə girərək bacarıqsız olduğuna inanır və səhvlərini düzəltməyə cəhd göstərmir.
4. Şiddət və aqressiya
Təzyiq göstərmək və ya döymək uşağın zəka inkişafının ləngiməsinə və ciddi travmalar almasına səbəb olur.
5. Laqeydlik
Uşağa lazımi qədər diqqət göstərməmək onun hisslərinə, mənəvi ehtiyaclarına dəyər verməmək şəxsiyyətinin formalaşmasına mənfi təsir edir.
Könül Oruc
