Dəvə südü faydaları ilə son illərdə populyarlıq qazanan qida mənbəyidir. Dəvə südünün faydaları arasında immunitet sistemini gücləndirmək, həzm sistemini dəstəkləmək və dəri sağlamlığını yaxşılaşdırmaq kimi bir çox əhəmiyyətli xüsusiyyətlər var. Laktoza qarşı dözümsüzlüyü olan insanlar üçün də alternativ bir seçim olaraq seçilir.
E-saglam.az xarici KİV-ə istinadən dəvə südünün faydalarını təqdim edir:
Dəvə südü immunitet sistemini gücləndirməkdə əhəmiyyətli faydalar təmin edir. Tərkibindəki zəngin qidalar sayəsində orqanizmi xəstəliklərə qarşı qoruyur.
Dəvə südü ilə immunitet sisteminin gücləndirilməsi
- Dəvə südü immunitet sistemini dəstəkləyən yüksək miqdarda protein ehtiva edir.
- Tərkibində orqanizmi infeksiyalardan qoruyan antimikrobiyal birləşmələr var.
- Tərkibində immunitet sistemini gücləndirən və xəstəliklərdən qoruyan immunoqlobulinlər var.
- İltihabı azaldaraq immunitet sisteminin sağlam fəaliyyətini dəstəkləyir.
- Tərkibində immunitet sistemini dəstəkləyən müxtəlif vitamin və minerallar var.
- Müntəzəm istehlak immunitet sisteminin sağlam işləməsinə kömək edir.
Dəvə südünün həzm histemi üçün faydaları
- Dəvə südü həzm sisteminə faydaları ilə də diqqət çəkir. Tərkibindəki xüsusi maddələr sayəsində həzm sağlamlığını yaxşılaşdırır. Onun həzm sisteminə müsbət təsirləri aşağıdakılardır:
- Həzm sistemini tənzimləyən probiyotiklərlə zəngindir.
- Tərkibindəki laktoza digər südlərə nisbətən daha az olması ilə həzmi asanlaşdırır.
- Bağırsaqlarda iltihabı azaldaraq həzm sağlamlığını dəstəkləyir.
- Bağırsaq florasını tarazlaşdırır və sağlam həzm sistemi yaradır.
- Tərkibindəki vitamin və minerallar sayəsində qida maddələrinin udulmasını artıra bilir.
- Mədə və bağırsaq problemlərinə qarşı qoruyucu xüsusiyyətlərə malikdir.
Dəvə südü dərinin sağlamlığını dəstəkləyir
Dəvə südü dəri sağlamlığını dəstəkləməkdə də mühüm faydalar təqdim edir. Tərkibindəki qida və maddələr sayəsində dəri üzərində müsbət təsirlər yaradır. Dəri sağlamlığına yaxşılaşdırıcı təsiri baxımından dəvə südünün faydalarını aşağıdakı kimi sıralamaq olar:
- Tərkibində dərini qidalandıran və canlandıran yüksək miqdarda vitaminlər var.
- Tərkibində dərini sərbəst radikalların zərərindən qoruyan antioksidanlar var.
- İltihabı azaldaraq sızanaq və digər dəri problemlərinin qarşısını alır.
- Dərinin elastikliyini artıran və qocalma əlamətlərini azaldan kollagen istehsalını dəstəkləyir.
- Hüceyrələrin yenilənməsi prosesini sürətləndirir və dərinin zədələnməsinin daha sürətli bərpasına kömək edir.
Laktoza dözümsüzlüyü zamanı dəvə südü
Dəvə südü laktoza dözümsüzlüyü olan insanlar üçün ideal alternativ olaraq seçilir. Laktoza qarşı dözümsüzlük bütün dünyada bir çox insana təsir edən ümumi həzm problemidir. Bu vəziyyət orqanizmin süd və süd məhsullarında olan laktozanı həzm edə bilməməsi, müxtəlif həzm problemlərinə səbəb olması ilə xarakterizə olunur. Dəvə südünün laktoza dözümsüzlüyünə təsiri aşağıdakı kimidir:
- Dəvə südü inək südündən daha az laktoza ehtiva edir ki, bu da laktoza dözümsüzlüyü olan insanlarda həzm problemlərini azaldır.
- Laktoza dözümsüzlüyü olan insanlar tərəfindən daha asan həzm olunur, beləliklə şişkinlik, qaz və qarın ağrısı kimi simptomların qarşısını alır.
- Laktoza dözümsüzlüyü olan insanlar bu xüsusi südü istehlak edərək lazımi vitamin və mineralları əldə edə, beləliklə süd və süd məhsulları çatışmazlığından yaranan qida çatışmazlığının qarşısını ala bilərlər.
Bu qidalandırıcı süd laktoza dözümsüzlüyü olan insanlar üçün alternativ seçim kimi əhəmiyyətli üstünlüklər təqdim edir. Buna görə də, laktoza dözümsüzlüyündən əziyyət çəkənlər pəhrizlərinə dəvə südü daxil etməklə qida ehtiyaclarını ödəyə və həzm sistemini yaxşılaşdıra bilərlər.
Dəvə südünü diabetə təsiri
Dəvə südü diabetin idarə edilməsində təsirli ola biləcək xüsusiyyətlərə malikdir. Tərkibindəki unikal maddələr sayəsində qan şəkərinin səviyyəsini tənzimləməyə kömək edir. Diabet xəstələri üçün faydalı ola bilər. Bu sağlam içkinin diabetə təsiri haqqında aşağıdakıları söyləmək olar:
- Qlisemik indeksi aşağı olduğu üçün qan şəkərini birdən artırmır.
- Tərkibindəki insulinə bənzər zülallar qan şəkərinin səviyyəsinin tənzimlənməsinə kömək edir.
- Antiinflamatuar xüsusiyyətlər iltihabı azaltmaqla diabetlə əlaqəli ağırlaşmaların qarşısını almağa kömək edir.
- Tərkibindəki yüksək antioksidant hüceyrə zədələnməsinin qarşısını ala və diabetin mənfi təsirlərini azalda bilər.
- Zəngin mineral və vitamin tərkibi diabetin idarə edilməsində bədənin ehtiyac duyduğu qida dəstəyini təmin edir.
- İmmuniteti gücləndirdiyi üçün diabet xəstələrinin ümumi sağlamlığına müsbət təsir göstərir.
Dəvə südü yalnız diabet xəstələri üçün qidalandırıcı bir seçim deyil, həm də xəstəliyin idarə olunmasında dəstəkləyici qida mənbəyidir. Buna görə də şəkərli diabet xəstələri bu südü qida rasionlarına daxil etməklə öz sağlamlıqlarını qoruya və qan şəkərinin səviyyəsini daha yaxşı idarə edə bilərlər.
Dəvə südü və sümük sağlamlığı
Tərkibindəki müxtəlif vitamin və minerallar sayəsində dəvə südü sümüklərin sağlam olmasına kömək edir. Bu qida mənbəyinin sümük sağlamlığına təsirləri bunlardır:
- Sümüklərin möhkəmliyi və davamlılığı üçün zəruri olan zəngin kalsium mənbəyidir.
- Tərkibində sümük və diş sağlamlığı üçün vacib bir mineral olan fosfor var.
- D vitamininin udulmasını artıraraq, kalsiumun orqanizm tərəfindən daha yaxşı istifadəsini təmin edir.
- Sümük toxumasının strukturunda mühüm rol oynayan zülalla zəngindir.
- Daimi istehlak, yaşa bağlı sümük sıxlığı itkisini azaltmaqla osteoporoz riskini azaltmağa kömək edir.
- Tərkibində uşaqlar və gənclər üçün sümük inkişafını dəstəkləyən vacib qidalar var.
Tərcümə etdi: Könül Oruc
