Xərçəng dünyada əsas ölüm səbəblərindən biri olsa da, gündəlik vərdişlərimizdə kiçik dəyişikliklərlə bu riski azaltmaq mümkündür.
E-saglam.az həyatınıza daxil edə biləcəyiniz 10 sadə addımı təqdim edir:
Buxur və şamlardan ehtiyatlı olun
Bəzi şam və buxurlar havaya zərərli hissəciklər buraxır. Təbii və qoxusuz məhsullara üstünlük verin, istifadə zamanı otağı havalandırın.
Günəş işığını laqeyd etməyin
Həftədə bir neçə dəfə 15–20 dəqiqə günəşdə qalmaq D vitamini səviyyəsini artırır və bəzi xərçəng növlərinin riskini azaldır.
Mətbəxi yaxşı havalandırın
Qızartma zamanı yaranan tüstü zərərli maddələr daşıyır. Bişirərkən pəncərəni açın və ya aspirator işə salın.
Kosmetik məhsulların tərkibini yoxlayın
Paraben kimi maddələr hormon tarazlığını poza bilər. Təbii və parabensiz məhsullara üstünlük verin.
Siqaret və alkoqoldan uzaq durun
Siqaret və spirt bir çox xərçəng növünün əsas səbəbidir. Bu vərdişləri tərgitmək riskləri əhəmiyyətli dərəcədə azaldır.
Kifayət qədər yuxu alın
Gecə 7-9 saat keyfiyyətli yuxu immun sistemini gücləndirir və hüceyrə sağlamlığını qoruyur.
Stressi idarə edin
Xroniki stress hormonal pozğunluqlara səbəb ola bilər. Meditasiya, nəfəs məşqləri və fiziki aktivlik faydalıdır.
Şəkər qəbuluna nəzarət edin
Şəkər birbaşa səbəb olmasa da, artıq çəki ilə əlaqəli xərçəng riskini artırır. Əlavə şəkərdən uzaq durun.
Plastik qabda yemək qızdırmayın
Mikrodalğada plastik qablar zərərli maddələr yayır. Şüşə və ya keramika istifadə edin.
Yandırılmış yeməklərdən çəkinin
Qızarmış və yanmış yeməklərdə kanserogen maddələr ola bilər. Onları tez-tez yeməkdən çəkinin.
Tərcümə: Könül Oruc
