Araşdırmalara görə, ailədə infarkt riski varsa, bu risk sağlam fərdlərdə, xüsusən də 45 yaşdan yuxarı kişilərdə 5 dəfə yüksəkdir.
E-saglam.az xəbər verir ki, mütəxəssislər xəbərdarlıq edir ki, mütləq şiddətli ağrı gözləməyin. Qollarda və beldə yanma hissi, ürək yanması da infarkt əlamətləri ola bilər.
Ürəyinizə qulaq asın
Məşhur müğənni Metin Arolat bir müddət əvvəl səhnədə qəfil ürək tutması nəticəsində dünyasını dəyişib. Arolatın ölümünün, tətbiq etdiyi sürətli arıqlama pəhrizləri ilə bağlı ola biləcəyi iddiaları gündəmə gətirilib. Özəl universitetin Kardiologiya kafedrasının müdiri prof. Dr. Özlem Esen ürək sağlamlığı ilə bağlı əhəmiyyətli xəbərdarlıqlar edərək, bu cür pəhrizlərin və sürətli kilo vermənin ürək sağlamlığına mənfi təsir etdiyini söyləyib.
Siqnallara diqqət edin
Prof. Dr. Esen pəhrizin ürəyinizi narahat edib-etmədiyini necə başa düşə biləcəyinizi belə izah edib: "Həyatımızda heç vaxt görmədiyimiz şiddətli ağrı olması lazım deyil. Qeyri-adi halsızlıq, zəiflik, nizamsız ürək döyüntüsü, başgicəllənmə, əzələ ağrısı və kramplar varsa, ürəyimiz "dur" deyir. Verdiyi mesajları düzgün oxumamız lazım olan kiçik mesajlardır. Bu, həyatımızda heç vaxt görmədiyimiz şiddətli və ya şiddətli ağrıların olması lazım deyil. Hətta kiçik narahatlıq hissi, qol və beldə yanma hissi, ürək yanması, xüsusən də mədədə qıcqırma kimi hallar infarktın əlaməti ola bilər. "Heç bir şey olmaz" demək əvəzinə həkimə müraciət etmək lazımdır. Müalicəsi texnoloji cəhətdən asan xəstəlikdir. Ancaq gecikmə də həyati əhəmiyyət kəsb edə bilər."
ŞOK Pəhrizlər TƏHLÜKƏLİDİR
Şok diyetaların infarkta səbəb ola biləcəyi araşdırmalarla sübuta yetirilib. Təəssüf ki, ani və aqressiv, aşağı kalorili, uzun aclıqlarla aparılan pəhriz zamanı orqanizmdə qanın axıcılığı pozulur, bədəndə iltihablı proseslər inkişaf edə və infarkta səbəb ola bilər. Balanslı bəslənmə ilə çəki vermək ən sağlamıdır.
Müayinəni pəhrizə başlamazdan öncə edin
Ürək sağlamlığına laqeyd yanaşmadan pəhriz saxlamaq istəyənlərə təkliflər verən Prof. Dr. Esen müayinələrin əvvəlcədən aparılmasını tövsiyə edib. O bildirib ki, təzyiq ölçmələrinin mütəmadi olaraq aparılması lazımdır. Ailədə infarkt riski varsa, bu insanlar yaxından təqib edilməlidir. Qan təzyiqinin ölçülməsi, elektrokardioqrafiya (EKQ), bədən yağ və əzələ nisbətlərinin izlənməsi, qan duz nisbətləri, natrium, kalium və digər minerallar yoxlanılmalı və xolesterol səviyyəsi mütəmadi olaraq izlənilməlidir. Bununla belə, müntəzəm həkim nəzarəti altında pəhrizlərdən qorxmaq lazım deyil. Ancaq uzun müddətli aclıq hallarında, bədən kifayət qədər kalori və mineral almadıqda ciddi sağlamlıq problemləri yarana bilər.
Tərcümə: Könül Oruc
