Yeni doğulmuş körpələrdə gözyaşı kanalının tıxanması ümumiyyətlə həyatın ilk ilində öz-özünə yox olur. Lakin, bu vəziyyət gözlərdə sulanma, qabıqlanma və qızartı kimi simptomlarla özünü göstərə bilər.
E-saglam.az xəbər verir ki, yenidoğulmuşlarda gözyaşı kanalının tıxanması, gözyaşının düzgün axmaması nəticəsində gözlərdə sulanma və qabıqlanma ilə özünü göstərir. Bu vəziyyət, gözyaşı kanalının daralması və ya gözyaşı kisəsində açılmamış pərdə səbəbindən baş verir. Tıxanma nəticəsində gözlərdə axıntılar yaranır və səhər saatlarında göz qapaqlarının ətrafında qabıqlanma, qızartı və ləkələr müşahidə oluna bilər.
Müalicə üsulları
Gözyaşı kanalının tıxanmasının müalicəsində gözlərdən yaşıl qabıqları çıxarmaq üçün antibiotik damcıları və məlhəmlərdən istifadə edilir. Bundan əlavə, göz və burun qovşağı nahiyyəsinin gündə 30-40 dəfə masaj edilməsi də mühüm müalicə üsuludur. Masajın məqsədi tıxanıqlığı açmaqdır. Bu üsullar kifayət qədər nəticə vermirsə, bir yaşdan sonra "zondlama" adlanan daha inkişaf etmiş bir prosedur həyata keçirilə bilər.
Göz infeksiyaları: Konyunktivit və digər problemlər
Körpələrdə gözlərin qızartı, sulanması və qabıqlanması yenidoğulmuşların konyunktiviti, göz qapağı və kirpik anomaliyaları, həmçinin gözyaşı kanalının tıxanması kimi müxtəlif göz xəstəlikləri ilə əlaqələndirilə bilər. Neonatal konyunktivitin allergik, kimyəvi və ya yoluxucu (bakterial və ya viral) səbəblərə görə inkişaf edə biləcəyi bildirilir. Xüsusilə doğumdan sonrakı ilk günlərdə gözlərdə qızartı, şişlik və axıntı infeksiya əlaməti ola bilər. Doğuş zamanı körpələrin gözlərinə atılan gümüş nitrat məhlulu allergik reaksiyaya səbəb ola bilər, müvəqqəti qızartı və sulu axıntıya səbəb ola bilər.
Bakterial və virus infeksiyaları: təhlükələr və müalicə
Körpələrdə bəzi göz infeksiyaları ciddi nəticələrə səbəb ola bilər. Məsələn, qonokok infeksiyası doğuşdan sonrakı ilk bir neçə gündə həddindən artıq sarı-yaşıl axıntı, gözlərin qızarması, göz qapaqlarının aça bilməməsi ilə özünü göstərir. Bu tip bakterial infeksiyalar müalicə edilmədikdə göz itkisinə səbəb ola bilər. Bakteriyaların başqa bir mənbəyi xlamidiya infeksiyasıdır. Bu infeksiya doğuşdan 5-19 gün sonra baş verir. Günlər ərzində başlayır və müalicə edilmədikdə daimi görmə itkisinə səbəb ola bilər. Herpes virusu (soyuq yaralar) infeksiyası yenidoğulmuşlarda da baş verə bilər. Doğuş zamanı anadan keçən bu virus görmə itkisinə səbəb ola biləcək ciddi nəticələrə səbəb ola bilər. Herpes infeksiyasının müalicəsində antiviral dərmanlardan istifadə etməklə, gözün qalıcı zədələnməsinin qarşısı alınır.
Beləliklə, körpələrdə gözyaşı kanalının tıxanması və digər göz infeksiyalarına diqqət yetirmək və erkən müalicə vacibdir.
Qeyd: Məqalə yalnız məlumat məqsədi daşıyır və tibbi məsləhət əvəzi deyil.
Tərcümə: Könül Oruc
