Diyetoloq Eva Bautista, bir neçə mövcud qidaları daha tez-tez yesəniz, 60 ildən sonra yaddaşın yaxşılaşa biləcəyini söylədi.
E-saglam.az xəbər verir ki, o, "ABC" ilə söhbətində onları sadaladı.
Bautista qeyd etdi ki, göyərti, çiyələk, portağal, brokoli və ispanaq beyin hüceyrələrini zədələnmədən qoruyan antioksidanlar və C vitamini ilə zəngindir. Qızıl balıq, skumbriya və tuna omeqa-3 yağ turşularına görə yaddaşı və konsentrasiyanı yaxşılaşdırır, həmçinin qocalıqda neyrodegenerativ xəstəliklər riskini azaldır.
Bundan əlavə, koqnitiv funksiyaları yaxşılaşdırmaq üçün həkim 60 yaşdan yuxarı insanların qida rasionuna badam, qoz və fındıq daxil etməyi təklif edib. O, həmçinin tünd şokoladı eyni dərəcədə faydalı adlandırdı, çünki tərkibində beyin dövranını yaxşılaşdıran çoxlu flavonoidlər var.
Sonda həkim bildirdi ki, mərcimək, noxud və lobya yaddaşı yaxşılaşdırmaq üçün də zəruri olan fol turşusu, lif və zülal mənbəyidir, zeytun yağı isə neyronların iltihabı riskini azaldır.
Tərcümə: Könül Oruc
