Ürək xəstəlikləri dünyada ən çox rast gəlinən sağlamlıq problemlərindəndir. Son araşdırmalar göstərir ki, ürək sağlamlığını qorumağın əsas yolu düzgün və keyfiyyətli qidalanmadan keçir.
E-saglam.az xəbər verir ki, Harvard Universitetində aparılan genişmiqyaslı bir tədqiqatda məlum olub ki, pəhrizdə yağ və karbohidratların miqdarından daha vacibi – qida seçimlərinin keyfiyyətidir. Tam taxıllar, tərəvəzlər, meyvələr, paxlalılar və qoz-fındıq kimi təbii və emal olunmamış məhsullar ürək sağlamlığı üçün olduqca faydalıdır.
NUTRITION 2025 konqresində təqdim edilən nəticələrə görə, bu cür qidalanma ürək xəstəlikləri riskini 15%-ə qədər azalda bilər. Əksinə, işlənmiş ət, şəkər və zərif un məhsulları ilə zəngin pəhriz ürək üçün təhlükə yaradır.
Mütəxəssislər tövsiyə edir:
- Emal olunmuş qidalardan uzaq durun
- Tam və təbii qidaları seçin
- Qida etiketlərini diqqətlə oxuyun
- Gizli şəkər mənbələrinə qarşı diqqətli olun
Unutmayın, düzgün qidalanma yalnız çəkini deyil, ürəyinizi də qoruyur!
Tərcümə: Könül Oruc
