Uzunömürlülük üzrə mütəxəssis Con Şarffenberq idmanla bağlı geniş yayılan bir fikri təkzib edib.
E-saglam.az xəbər verir ki, o, El Español qəzetinə verdiyi müsahibədə bildirib ki, sadəcə arıq olmaq yetərli deyil – əsas məsələ hərəkətdə qalmaqdır.
Mütəxəssis deyib: “Əgər müntəzəm idman edirsinizsə, arıq olmaq yaxşıdır. Amma hətta kök bir insan belə hər gün bir az məşq edirsə, bu, idman etməyən arıq bir insandan daha faydalıdır”.
O, əlavə edib ki, bu qayda siqaret çəkmək, yüksək qan təzyiqi və yüksək xolesterin kimi risk faktorları olsa belə keçərlidir. Şarffenberq 2021-ci ildə aparılmış bir elmi araşdırmaya istinad edərək bildirib ki, fiziki aktivlik ürək-damar xəstəlikləri də daxil olmaqla bir çox ciddi xəstəliklərin riskini azaldır.
Yəni uzun və sağlam həyat üçün sadəcə çəkini deyil, gündəlik hərəkətliliyi də ön planda saxlamaq lazımdır.
Tərcümə: Könül Oruc
