Kif göründükdən sonra bütün qidaları atmaq lazım deyil - onlardan bəziləri hələ də yemək üçün təhlükəsizdir.
E-saglam.az xəbər verir ki, bunu MailOnline-a Qrinviç Universitetinin qida təhlükəsizliyi üzrə eksperti Riçard Fuks deyib.
Mütəxəssisin fikrincə, alma, qoz-fındıq və taxılların üzərində kif əmələ gəldikdə dərhal zibil qutusuna atılmalıdır. Bu cür məhsulları istehlak edərkən insanlar allergiya, tənəffüs simptomları və ya mədə-bağırsaq pozğunluğu ilə qarşılaşa bilər.
Bundan əlavə, kif mikotoksinlər adlanan zəhərli birləşmələr istehsal edə bilər ki, bu da immunitet sistemini sıxışdırır və reproduktiv problemlər yarada bilər.
Kifli yumşaq pendir, giləmeyvə və çörəkdən də çəkinmək lazımdır. Yemək nə qədər yumşaq və sulu olarsa, kifin məhsula nüfuz etməsi bir o qədər asan olar.
Kifli olsa belə yeyilə bilən azsaylı qidalardan biri sərt pendirdir.
Sərt pendirlər və ya bərk meyvə və tərəvəzlər kimi sərt, sıx qidalar kif nüfuzuna daha davamlıdır, buna görə də kif kəsilə və qalanları yeyilə bilər.
Tərcümə: Könül Oruc
