Oturaq həyat tərzi iktidarsızlıq və məhsuldarlıq problemlərinə gətirib çıxarır.
E-saglam.az xəbər verir ki, uroloq-androloq Artur Bogatyrev xəbərdarlıq etdi.
O, “İzvestiya”ya müsahibəsində bu adi vərdişin nəticələrindən danışıb.
Həkimin sözlərinə görə, oturaq həyat tərzinin dağıdıcı təsiri çanaqda hərəkət etmədən qan axınının pisləşməsi ilə izah olunur. "Bu da öz növbəsində prostat vəzinin toxumalarında durğunluğa və oksigen çatışmazlığına gətirib çıxarır", - uroloq bildirib.
Əlavə etdi ki, oksigen çatışmazlığı ilə prostat vəzi genitouriya sisteminin digər hissələrindən nüfuz edən patogen mikroorqanizmlərə qarşı həssas olur, beləliklə, iltihab riski artır.
Mütəxəssis onu da qeyd edib ki, kişi uzun müddət hərəkətsiz oturduqda xayalarda temperatur yüksəlir və bu da mayalanma qabiliyyətini azaldır. O izah etdi ki, tam spermatogenez üçün kişi cinsiyyət vəzilərinin temperaturu bədən istiliyindən bir qədər aşağı olmalıdır. "Bundan əlavə, intim bölgədə həddindən artıq istiləşmə testosteron səviyyəsini azalda bilər", - Bogatyrev xəbərdarlıq etdi.
Bu halların qarşısını almaq üçün uroloq uzun müddət bir yerdə oturmamağı tövsiyə edib. İş günü ərzində yüngül idman və ya gəzinti üçün işdən qısa fasilələr verməyi məsləhət gördü.
Tərcümə: Könül Oruc
