Yaponiyada alimlər tərəfindən aparılan tədqiqat zamanı müxtəlif qan qruplarına malik insanların intellektual səviyyələri müqayisə edilib. Tədqiqat çərçivəsində iştirakçılara analitik düşüncə və tez qərarvermə qabiliyyətlərini ölçən testlər təqdim olunub. Test nəticələri qan qruplarına görə fərqli zəka xüsusiyyətlərini ortaya qoyub.
Araşdırma nəticəsində məlum olub ki, IV qan qrupuna malik şəxslər mürəkkəb problemlərin həllində və əsaslandırılmış qərarların qəbulunda digərlərinə nisbətən daha üstün nəticələr göstəriblər. Alimlərin fikrincə, bu şəxslər həm emosional, həm də məntiqi zəkanı paralel şəkildə istifadə etmək qabiliyyətinə sahibdirlər.
E-saglam.az milli.az-a istinadən xəbər verir ki, tədqiqatda digər qan qruplarının xüsusiyyətləri də aşağıdakı kimi təsvir olunub:
II qan qrupu: Yüksək emosional zəka ilə seçilən bu fərdlər düşüncəli, vasvası və planlı davranışları ilə tanınırlar. Eyni zamanda yaradıcılıq və empatiya qabiliyyətlərinə də sahibdirlər.
I qan qrupu: Bu qrupun nümayəndələri liderlik potensialı, güclü iradə və xarizma ilə fərqlənirlər. Analitik düşüncə qabiliyyətləri onları tez-tez menecer və strateq mövqelərinə gətirir.
IV qan qrupu: Ən nadir qan qrupu sayılan IV, intuitiv zəka və yüksək uyğunlaşma qabiliyyəti ilə seçilir. Bu qrupdakı insanlar həm emosional, həm də məntiqi düşüncəni balanslı şəkildə tətbiq edə bilirlər.
