Ortoped-travmatoloq Konstantin Ternovoy xəbərdarlıq edib ki, buzlu şəraitdə bədənin hər hansı bir hissəsinə düşmə sınıqlara səbəb ola bilər.
E-saglam.az xəbər verir ki, o , “Veçernyaya Moskva” ilə söhbətində buzun üzərinə düşmə riskini azaltmağın sadə yollarını açıqlayıb.
Əgər arxa üstə düşsəniz, həkimin fikrincə, vertebraları sındıra və ya başınızın arxasına vura və travmatik beyin zədəsi ala bilərsiniz, yanınıza və ya irəliyə düşmək radius, humerus və bud oynaqları üçün təhlükəlidir.
Ternovoy hesab edir ki, siz sürüşməyən altlıqlı ayaqqabı seçmək, gəzinti zamanı telefondan istifadə etməkdən imtina etmək və yerişinizə baxmaqla yıxılmaqdan qaça bilərsiniz: “Əgər insan buzun üzərində gəzməli olacağını anlayırsa, daha yaxşı olar ki, dizlərini bir az əyib əllərini tarazlaşdırmaq üçün telefonu bir kənara qoysun, çünki yıxılma zamanı heç bir adamın, hətta ən çox məşq etmiş idmançının belə yenidən toparlanmağa vaxtı var”, - deyə həkim xəbərdarlıq edib.
Onun sözlərinə görə, pis havada ayağınıza diqqətlə baxmaq və tarazlığı qorumağa çalışmaq lazımdır.
Ternovoy qeyd edib ki, yıxılmanın qarşısını almaq mümkün deyilsə, yumşaq üst geyimlər (bolonya şalvarları, gödəkçələr və qalın trikotaj papaqlar) zədə riskini azalda bilər.
Tərcümə: Könül Oruc
