Hətta sadə həyat tərzi dəyişiklikləri ürək sağlamlığını əhəmiyyətli dərəcədə yaxşılaşdıra bilər.
E-saglam.az xəbər verir ki, Saarland Universitet Xəstəxanasının Kardiologiya, Angiologiya və Reanimasiya Klinikasının direktoru və Alman Kardiologiya Cəmiyyətinin mətbuat katibi Maykl Böhm bu üsullar haqqında danışıb.
1. Siqareti buraxın. Mütəxəssisin fikrincə, vərdişdən əl çəkmək kifayət qədər çətindir, lakin bunu etmək lazımdır.
2. Mini fəaliyyətləri həyatınıza daxil edin. Lift əvəzinə pilləkənləri seçin, uzun telefon danışığı zamanı kresloda oturmayın, otaqda gəzin.
3. Gündə iki dəfə 15 dəqiqə intensiv məşq edin. Bu fəaliyyət dövrü ürək-damar xəstəlikləri riskini 15% azaldır. Sürətli gəzinti, qısa bir velosiped sürmək və ya stasionar velosipeddə məşq etmək kifayətdir.
4. Balanslaşdırılmış pəhriz saxlasanız, fast food yeməyə icazə verilir. Kardioloq deyir ki, həftədə bir dəfə hamburger yemək ürək xəstəliyi riskinizi artırmayacaq.
5. Xolesterolunuzu və təzyiqinizi mütəmadi olaraq yoxlayın.
Tərcümə: Könül Oruc
