Terapevt Polina Şubina soyuq mövsümdə pəhrizə mövsümi və digər meyvə-tərəvəz əlavə etməyi məsləhət gördü.
E-saglam.az xəbər verir ki, Şubina doktor Peter ilə söhbətində balqabağı əczaçılıq vitaminləri və pəhriz əlavələrinin əvəzedicisi adlandırdı.
Həkim pəhrizə balqabağı əlavə etməyi tövsiyə edib və bunun qış super qidası sayıla biləcəyini bildirib: "Balqabaq C vitamini, fol turşusu və B vitaminləri ilə zəngindir, antioksidantlar sayəsində yüksək qan təzyiqi, revmatoid artrit, Alzheimer xəstəliyinin qarşısını alır, həmçinin dəri sağlamlığını qoruyur və kollagen istehsalını stimullaşdırır".
Bundan əlavə, qışda xurma, armud, heyva, zoğal, kivi, balqabaq, badımcan və bolqar bibəri yeməyə çağırıb. Həkim bu məhsulları çoxlu vitamin və mikroelementlərin, həmçinin qida lifinin mənbəyi adlandırıb.
Şubina vurğulayıb ki, vitaminlər və pəhriz əlavələri qəbul etmək, hətta insanın gündəlik rejimə və qidalanma rejiminə əməl etmədiyi hallarda belə, yaxşı sağlamlığın təminatı deyil. “Bu səhvdir. Vitaminlər psixostimulyator deyil, psixoaktiv maddələr deyil, yəni daha enerjili və aktiv hiss etməyə kömək etməyəcək”, - deyə həkim vurğulayıb.
Könül Oruc
