Dünyanın ən uzun canlı insanları haqqında araşdırma, sağlam və uzun ömrünün sirri masalarımızda gizlədilə biləcəyini göstərir. Mütəxəssislərin fikrincə, həftədə iki dəfə istehlak olunan bir qida ömür uzunluğunda uzun müddət əsas rol oynaya bilər.
E-saglam.az xəbər verir ki, "The Sun"da dərc olunan xəbərə görə, tədqiqatçılar uzunömürlülük baxımından məşhur olan “mavi bölgələr”də yaşayan insanların yemək vərdişlərini araşdırıblar. Sardiniya (İtaliya), Okinava (Yaponiya) və Nikoya (Kosta Rika) kimi yerlərdə 100 yaşını keçmiş insanların sayı nəzərəçarpacaq dərəcədə çoxdur və bu ərazilərdə xroniki xəstəliklər aşağı səviyyədədir.
Ət istehlakı məhduddur
Bu bölgələrdə ət yalnız həftədə 1-2 dəfə, o da kiçik porsiyalarda – təxminən 60 qramdan az – istehlak olunur. İşlənmiş ətlər isə demək olar ki, rasiondan tamamilə çıxarılıb. Dan Buettnerin rəhbərlik etdiyi araşdırmalar göstərir ki, uzun və sağlam ömrün sirri əsasən bitki əsaslı qidalanmadan keçir.
Nə yeməli?
-
Hər gün tərəvəz və meyvə
-
Paxlalı bitkilər (noxud, mərci, lobya)
-
Zeytun yağı əsaslı yeməklər
-
Qoz-fındıq və digər faydalı çərəzlər
-
Şəkərli qidalardan uzaq durmaq
Ət alternativləri
Əti azaltmaq istəyənlər üçün tofu, tempeh, paxlalı küftələr kimi bitki mənşəli zülal mənbələri tövsiyə olunur. Ət porsiyalarını kiçiltmək, paylaşmaq və ya ehtiyatla qablaşdırmaq da faydalı ola bilər.
Tərcümə: Könül Oruc
