Ramazan ayının əsas simvollarından biri olan xurma həm orucu açmaq, həm də sağlam qalmaq üçün ideal qidadır. Mükəmməl təbii enerji mənbəyi olan xurma, eyni zamanda bədənə bir çox fayda verir.
E-saglam.az xurmanın faydlarını təqdim edir:
1. Sürətli enerji mənbəyi
Xurma təbii şəkərlər (qlükoza, fruktoza, saxaroza) baxımından zəngindir və uzun saatlar ac qaldıqdan sonra bədəni sürətlə enerji ilə təmin edir.
2. Həzm sistemini yaxşılaşdırır
Liflə zəngin olduğu üçün xurma qəbizliyin qarşısını alır və həzm sistemini dəstəkləyir. Eyni zamanda, probiotik təsiri bağırsaq sağlamlığını yaxşılaşdırır.
3. Toxluq hissi yaradır
Lif və kompleks karbohidratlarla zəngin olduğu üçün xurma daha uzun müddət tox qalmağa kömək edir və oruc zamanı aclıq hissini azaldır.
4. Ürək sağlamlığını qoruyur
Xurma kalium və antioksidantlarla zəngindir, bu da qan təzyiqini tənzimləyir və ürək-damar sağlamlığını dəstəkləyir. Mütəmadi istehlak ürək xəstəliklərinin qarşısını ala bilər.
5. Beyin funksiyalarını gücləndirir
Tərkibində olan B vitaminləri və maqnezium sinir sisteminə müsbət təsir edərək konsentrasiyanı və yaddaşı gücləndirir.
6. Təbii detoks təsiri
Xurma güclü antioksidantlarla zəngindir və bədəni toksinlərdən təmizləməyə kömək edir. Həmçinin, orqanizmi iltihablardan qoruyur.
7. Sümük sağlamlığını dəstəkləyi
Xurma kalsium, fosfor və maqnezium mənbəyidir, bu da sümükləri gücləndirir və osteoporozun qarşısını alır.
8. Təbii şəkər alternatividir
Rafinə şəkərdən çəkinənlər üçün xurma sağlam və təbii bir alternativdir. Onu desertlərdə və şirin içkilərdə istifadə etmək mümkündür.
Ramazanda orucu açarkən xurma yemək həm ənənə, həm də sağlamlıq baxımından əvəzsiz vərdişdir.
Könül Oruc
