ABŞ sakini Ceymi Komer təxminən on il ərzində 180-ə yaxın kimyaterapiya seansı keçirib.
E-saglam.az xəbər verir ki, ona 47 yaşında qaraciyərdə metastazlarla kolon xərçəngi diaqnozu qoyulub və həkimlər cəmi bir neçə ay ömrü qaldığını bildiriblər.
Bir neçə əməliyyat və intensiv müalicə alsa da, hazırda 55 yaşında olan Komer evdə hospis yardımı alır. O, vaxtında kolonoskopiyadan keçsəydi, xərçəngin erkən aşkarlanacağını və sağalma şansının daha yüksək olacağını düşünür.
ABŞ-də 45 yaşdan etibarən kolon xərçəngi skrininqi tövsiyə olunur. Son illərdə gənclər arasında xərçəng halları sürətlə artır, xüsusilə mədə, yoğun bağırsaq, qaraciyər və digər orqan xərçəngləri narahatlıq doğurur.
Tərcümə: Könül Oruc
