Ümumdünya Səhiyyə Təşkilatının (ÜST) mütəxəssisləri qurumun rəsmi saytında xəbərdarlıq ediblər ki, arıqlamaq istəyən hər kəs şəkər əvəzləyicilərindən istifadəni dayandırmalıdır. Əks halda, süni qida əlavələri 2-ci tip diabet, ürək xəstəliklərinə səbəb ola, hətta ölümlə nəticələnə bilər.
E-saglam.az xəbər verir ki, mütəxəssislərin fikrincə, saxarin və ya sukraloz tərkibli qidalar və içkilər arıqlama prosesində uzunmüddətli fayda vermir. Yalnız şəkərli diabeti olanların şəkər əvəzləyicilərindən istifadə etməyə davam etmək məntiqlidir. Lakin ÜST alimləri bu insanları araşdırmalarına daxil etməyiblər.
ÜST-ün Qidalanma və Qida Təhlükəsizliyi direktoru Francesko Branka bildirib ki, insanlar şəkəri azaltmağın başqa yollarını düşünməlidirlər, məsələn, təbii şəkərli qidalara və ya şəkərsiz məhsullar və içkilərə üstünlük verə bilərlər.
