Bahçeşehir Universitetindən Prof. Dr. Adnan Kaya bu nadir, lakin ciddi xəstəlik haqqında məlumat verib.
E-saglam.az xəbər verir ki, normal qrip əlamətləri ilə başlayan ürək qripi (miokardit) boğaz ağrısı, yorğunluq, sinə ağrısı, ürək döyüntüsü və nəfəs darlığı kimi simptomlarla özünü göstərir.
Xüsusilə 20-50 yaş arası kişilərdə daha çox rast gəlinən bu xəstəlik COVID-19-dan sonra artıb. Əksər hallarda istirahətlə sağalsa da, bəzi hallarda ciddi ritm pozğunluqlarına və ürək çatışmazlığına səbəb ola bilər.
Dünyada təxminən 2 milyon insana diaqnoz qoyulan ürək qripi nadir hallarda ölümə səbəb olsa da, immuniteti güclü saxlamaq və təkrar infeksiyalardan qorunmaq vacibdir.
19 yaşlı universitet tələbəsi Arın Kıraç bu xəstəliyi keçirdikdən sonra diqqətli şəkildə idmana qayıtdığını bildirib.
Tərcümə: Könül Oruc
