TƏBİB-in tabeliyindəki Sumqayıt Tibb Mərkəzi (STM) görkəmli oftalmoloq alim, akademik Zərifə Əliyevanın 100 illik yubileyinə həsr edilmiş tibbi aksiya keçirib.
“Report”un yerli bürosunun məlumatına görə, Sumqayıt Tibb Mərkəzinin 2 nömrəli Şəhər Xəstəxanasının Göz şöbəsində təşkil olunan tibbi aksiyada 120-dən çox şəhər sakini oftalmoloji müayinələrdən keçib.
Aparılan müayinələrdən sonra gözlərində problem müşahidə olunan şəxslərə qoyulan diaqnoza uyğun müvafiq tibbi təyinat yazılıb.
Aksiyanın keçirilməsində məqsəd onların səhhətləri ilə bağlı problemlərin həll olunmasına kömək göstərmək, eyni zamanda göz xəstəlikləri ilə bağlı monitorinqlər aparmaq, əldə edilən nəticələri müzakirə etmək və həll etməkdir.
