Qastroenteroloq Anton Zaqaynov şişkinlik və qarın ağrısının qarşısını almaq üçün şorbaları və hətta bulyonları çeynəməyi tövsiyə edib.
E-saglam.az xəbər verir ki, onun sözlərinə görə, hər cür qida, o cümlədən maye qidalar tüpürcəklə ilkin emaldan keçməlidir. Bu, həzmi yaxşılaşdırır və mədə məzmununun bağırsaqlara daxil olmasını 15-20 faiz sürətləndirir.
Həkim bildirib ki, çeynəmə prosesi mədə fermentlərinin istehsalını aktivləşdirir və sinir sistemini həzmə hazırlayır. Əgər yeməklər tələsik udularsa, toxluq hissini tənzimləyən hormonların ifrazı azalır. Buna görə də, Zaqaynov şorba və bulyonları ən azı 10 saniyə çeynəməyi və yemək üçün 15-20 dəqiqə vaxt ayırmağı tövsiyə edib.
Xüsusilə tərəvəz parçaları olan şorbalar içmək əvəzinə çeynənərsə, 20 faiz daha yaxşı həzm olunur. Natamam həzm və meteorizmin qarşısını almaq üçün püresi dənli və tərəvəzli şorbaları yaxşıca çeynəmək vacibdir.
Tərcümə: Könül Oruc
