Qış aylarında immuniteti gücləndirmək və xəstəliklərdən qorunmaq vacibdir. Təbii üsullarla sağlam qalmaq üçün soğan əvəzolunmaz qidalardan biridir.
E-saglam.az xəbər verir ki, yeməklərə dad verməklə yanaşı, tərkibindəki antioksidantlar və kükürd birləşmələri ilə orqanizmə çoxsaylı faydalar təqdim edir. Mütəmadi olaraq soğan istehlak etmək qışda xəstəliklərə qarşı təbii qoruyucu qalxan yaradır.
Soğan immunitet sistemini gücləndirir. Tərkibindəki C vitamini orqanizmin mikroblara qarşı müqavimətini artırır və ağ qan hüceyrələrinin fəaliyyətini dəstəkləyir. Gündəlik soğan istehlakı immun sistemini gücləndirərək xəstəliklərə qarşı qoruma yaradır.
Güclü antioksidant mənbəyi olan soğan, xüsusilə qırmızı soğan, quercetin adlı birləşmə ilə hüceyrələrin zədələnməsini azaldır. Bu təsir qocalmanı ləngidir və hüceyrələrin yenilənməsinə kömək edir.
Ürək sağlamlığını qorumaq üçün soğan mühüm rol oynayır. Qan damarlarını genişləndirərək təzyiqi aşağı salır, pis xolesterini azaldaraq ürək xəstəliklərinin riskini azaldır.
Həzm sistemi üçün də çox faydalıdır. Liflə zəngin olması bağırsaqları aktivləşdirir, həzmi asanlaşdırır və qəbizliyin qarşısını alır. Prebiotik xüsusiyyətləri sayəsində bağırsaqlardakı faydalı bakteriyaları qidalandırır.
Aşağı kalorili və liflə zəngin olan soğan iştahı idarə edərək çəki artımının qarşısını alır. Təbii detoks təsiri ilə orqanizmi toksinlərdən təmizləyir və maddələr mübadiləsini sürətləndirir.
Tənəffüs yollarını rahatladan soğan, öskürək, burun tutulması və nəfəs darlığı kimi problemlərə yaxşı təsir göstərir. Astma və bronxit kimi xəstəliklərdə də rahatlaşdırıcı təsirə malikdir.
Sümük sağlamlığı üçün də faydalıdır. Sümük sıxlığını artıraraq osteoporoz riskini azaldır. Xüsusilə menopoz dövründən sonra qadınlarda sümük sağlamlığını qorumağa kömək edir.
Soğan orqanizmi təmizləyən təbii detoks vasitəsidir. Qaraciyərin təmizlənməsinə kömək edir, bədəni toksinlərdən azad edərək enerjini artırır.
Ümumiyyətlə, soğan sağlamlıq üçün çox faydalıdır. Gündəlik rasiona daxil edilməsi immun sistemini gücləndirir, ürək və həzm sistemini dəstəkləyir, tənəffüs yollarını rahatlaşdırır və toksinlərdən qoruyur. Soğan yemək sağlam qalmağın ən təbii yollarından biridir.
Tərcümə: Könül Oruc
