Diyetoloq Paula Martin dedi ki, sağlam səhər yeməyi mütləq üç qidadan ibarət olmalıdır.
E-saglam.az xəbər verir ki, o, İnstyle ilə söhbətində onların adını çəkib.
Martinin qeyd etdiyi kimi, səhər yeməyində meyvə yemək lazımdır. "Onların tərkibində lif var ki, bu da toxluq hissini daha uzun müddət saxlamağa kömək edir və şəkərin udulmasını tənzimləyir. O, həmçinin C vitamini, fol turşusu və antioksidantların əla mənbəyidir. "Meyvələr maddələr mübadiləsini tarazlaşdırmağa və bağırsaqların fəaliyyətini yaxşılaşdırmağa kömək edir", - deyə mütəxəssis izah edib.
Bundan əlavə, diyetoloq səhər yeməyində tam taxıl yeməyi məsləhət gördü, çünki onlar aşağı glisemik indeksə malikdir, enerji verir və iştahı idarə etməyə kömək edir.
"Həmçinin, səhər menyusuna süd məhsulları daxil etməyə dəyər. Bütün taxıl dənli bitkilər və meyvələrlə birləşdirildikdə, onlar qidalı və doyurucu bir səhər yeməyi hazırlayırlar", - deyə Martin yekunlaşdırdı.
Tərcümə: Könül Oruc
