"Artıq sabah dünyada təhlükəli bir xəstəliyin yeni pandemiyası başlaya bilər".
E-saglam.az xəbər verir ki, bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus deyib.
O, bildirib ki, hazırda COVID-19 pandemiyası münaqişələr, geosiyasi və iqtisadi təlatümlərdən sonra arxa plana keçib:
"Ancaq növbəti pandemiya hər şeyin sakitləşməsini gözləməyəcək. Bu, 20 il və ya daha çox müddətdə və ya sabah baş verə bilər. Biz hazır olmalıyıq".
ÜST rəhbəri bütün ölkələri Pandemiya Müqaviləsini finiş xəttinə çatdırmaq üçün daha çox çalışmağa çağırıb. Qebreyesus vurğulayıb ki, ölkələr ayrı-ayrılıqda hərəkət edə bilməyəcəklərsə, dünyanın qlobal təhlükəsizliyinə nail ola bilməyəcəklər.
