Rafinə un bağırsaqlara fiziki olaraq yapışmır. Lakin onun lif tərkibi az olduğu üçün həzm sistemində problemlər yarada bilər. Bu da qəbizlik, şişkinlik və yavaş həzmə səbəb olur.
E-saglam.az xəbər verir ki, yüksək qlisemik indeksə malik olduğundan qan şəkərini sürətlə artırır, bu da çəki artımına və maddələr mübadiləsi pozğunluqlarına gətirib çıxara bilər. Eyni zamanda əsas vitamin və minerallardan məhrumdur.
Davamlı istehlakı iltihab riskini artıraraq ürək-damar xəstəliklərinə zəmin yarada bilər. Çörək, pizza və digər un məmulatlarında geniş istifadə olunan bu un sağlamlıq üçün ideal deyil.
Daha sağlam alternativlər: tam buğda, yulaf, darı, badam və kakos unudur. Bu növlər həm lif, həm də qida baxımından zəngindir və həzmi yaxşılaşdırır.
Tərcümə: Könül Oruc
