Qeysəriyyə zamanı hansı anesteziya daha uyğundur? Ümumi yoxsa belden( spinal, epidural və ya kombine)?
E-saglam.az xəbər verir ki, qadın xəstəlikləri uzmanı Səidə Səmədlinin sözlərinə görə, xalq arasında beldən keyleşmə olaraq bilinən bölgesel anesteziya tətbiq edildikdə qana anestezik maddə qarışmadığı üçün körpə də narkozdan təsirlənməmiş doğulur. Ana körpəsinin doğulmasına şahid olur.
Ümumi narkozdan fərqli olaraq, beldən ağrısızlaşdırma zamanı əməliyyatdan sonra saatlarla əməliyyat nahiyyəsində ağrıkəsici təsir davam etmiş olur.
Ümumiyyətlə, ilk tərcihimiz ana və uşaq üçün faydalarını nəzərə alaraq regional( beldən) anesteziyadır.
Təbii ki, əməliyyat çox təcilidirsə və ya ana və döl üçün tibbi göstəriş varsa, umumi anesteziya tətbiq edilir.
Ən çox qarşılaşdığımız sual:
Beldən anesteziyadan sonra beldə ağrı yaranarmı?
Əməliyyatdan sonra yaranan bel ağrıları beldən ağrısızlaşdırma ilə əlaqəli deyildir. Əsasən, hamiləlik və sonrakı dövrdə mexaniki və s. təsirlər ilə əlaqəli olur
Bu anesteziyaya bağlı ən çox qarşılaşdığımız yan təsir - 3-5 gün davam edən müvəqqəti baş ağrılarıdır.
Könül Oruc
